موقع قناه مطبخ حلا

سندوتش البطاطس السوري بكل تركاته

سندوتش البطاطس السوري

0 101

سندوتش البطاطس السوري


 

سندوتش البطاطس السوري, من ألذ السندويتشات اللي ممكن تعملها في المنزل بسهولة,  بمكونات بسيطة للغاية, بس مذاقه لذيذ للغاية.
ومن خلال مطبخ حلا هنتعرف على طريقة عمل سندوتش البطاطس السوري بكل تفاصيله, بطريقة سهلة وبسيطة للغاية.


مكونات سندوتش البطاطس السوري :

١_طريقه عمل العيش السوري اللذيذ
٢_ طريقه عمل البطاطس 🍟

طريقة عمل ساندوتش البطاطس السوري
ساندوتش البطاطس السوري

مقادير العيش السوري بتاعنا هتكون :

1 – كوب دقيق

2 – ملعقه كبيره نشا

3 – نص ملعقه ملح

4 – ذره سكر

5 – ملعقه زيت

6 – كوب الا ربع ماء


تحضير العيش السوري

1 – هنضيف المكونات الجافه مع بعض

2 – ونحط عليهم الزيت والميه

3 – ونعجن كويس لمده ٣ او ٤ دقايق بس

4 – وبعدين نسيب العجينه ترتاح ٥ دقايق ونغطيها

5 – نفرد العجينه رول

6 – ونقطعها قطع متساويه

7 – ونلم العجين كور

8 – وندهن صينيه زيت

9 – ونحط الكور وندهنها زيت على العجينه

10 – ونغطيها بالكيس ونسيبها ونحضر البطاطس


طريقه عمل البطاطس

1 – هنجيب حوالي كيلو من البطاطس

2 – ونقطعه متساوي

3 – ونجيب بوله فيها ميه سخنه وملعقه من الخل وملعقه ملح

4 – ونحط البطاطس ونسيبها على ما نعمل التوميه اللذيذه


التوميه السوري اللذيذه بكل تركاتها

1 – نجيب حله ونحط فيها على البارد ملعقتين كبار نشا

2 – وكوبايه من الماء

3 – ونقلبهم كويس

4 – ونرفعهم على النار حتى يثقل القوام ويتغير لونه للون شفاف ونتركه ليبرد

5 – في الخلاط هنحط ربع كوب زيت وملعقه صغيره خل وعصير ليمونه صغيره و٢ فص ثوم مفروم ناعم وملعقه صغيره ملح وربع كوب حليب ونضربهم بالخلاط جيذا

6 – ونضيف عليهم خليط النشا البارد وملعقه كبيره مايونيز لو متوفر ونضربهم بالخلاط

7 – ونضعهم في بوله ونغطيهم ونسيبهم ف التلاجه

8 – نفرد العجين لعمل العيش ويكون رقيق ونجيب صينيه نقلبها على النار ونحط العيش عليها يادوب ٥ ثواني ويكون العيش استوى ونخلص الكميه ونغطيها لغايه ما نستخدمها

9 – البطاطس نصفيها كويس من الميه ونشطفها بميه من الحنفيه ونصفيها كويس وعلى زيت غزير نقلي البطاطس لغاية ما يكون لونها دهبي ونصفيها كويس على مصفى وورق تنشيف


ونبدأ نجهز الساندوتش بتاعنا

1 – نفرد العيش ونحط فيه التوميه والبطاطس وحبه خس اختياري وكاتشب

2 – ونقفل العيش على الجنبين ونلفه

ونكمل العيش بتاعنا كله بنفس الطريقه
وف مقلايه على النار فيها ملعقه زيت صغيره ونحط الساندوتش لغايه ما ياخد لون ونطلعهم وبالهنا والشفا

 

والان نترككم مع فيديو الوصفة من قناة مطبخ حلا .

 

اترك تعليق

يرجي التسجيل لترك تعليقك

شكرا للتعليق

%d مدونون معجبون بهذه: